Parat am Start

 

parat am start

vom städtlilauf a glion, an lauf für jung und alt

dur ds obertor fohts a

s’füahrt über pflasterstai und asphalt in da wald

 

in ainasibzigdrissg

an städtlilauf für di

sit am zwanzigdraiazwanzig fix dabi

 

ir erschta stadt am rhii

an städtlilauf für di

aglion, aglion

 

am glenner entlang

über kies und wurzla, denn kehra und schu bald

dur ds paradieswäldli

zruck ins städtli und dur ds feschtzelt bis zum ziel

 

dr puls schloht immer schneller uf los gohts los

Und ds ziel ruckt immer nöcher, aglion

 

 

Elin

 

s’isch am na wunderschöna morga ende februar gsi

woni ds liacht vo dära erda zerscht mol han gseh

s’isch alles hell in dem rum und alli luagend mi a

s’isch guat überstanda und alles isch dra

i bin do aifach so amana ganz neua platz

iar hebend mi in eurna arma sägend miar liaba schatz

au wenni no fascht nüt merka no fascht nüt gsehn

gspühri euri liabi immer meh

 

hey, und plötzlich bini do, han gar nüt mit miar gno

bin am na völlig neua ort

hey, i bin am afang vo mim wäg, waiss nit wo dura er mi füahrt

aber egal woni grad bin, min nama isch elin

 

was i jetzt nonit verstohn warum mini grosseltera

mi dia erschta mönat nit uf ihrna arma könnt ha

wenni s’bits grösser bin werdend si miar verzella

wia an virus alles uf da kopf kann stella

an jedem neua tag realisiari s’bits meh

in jeder neua wucha gits a huufa ds gseh

mini händ und füass müand immer öpis macha

und wenn i mi freua denn muassi afoh lacha

 

i luag mit gwundrigem blick

was es z’entdecka git

 

hey, und plötzlich bini do, han gar nüt mit miar gno

bin am na völlig neua ort

hey, i bin am afang vo mim wäg, waiss nit wo dura er mi füahrt

gspannt was i alle erleb

hey, hoff uf a huufa glück

dass mer d’gsundheit immer blibt und uf ganz viel liabi lüt

uf dass miar niamert unrecht tuat und dass an engel zu miar luagt

nit meh verlüra als i gwinn, egal woni grad bin

min nama blibt elin

 

 

Kunnt Schu Guat

 

nüt, as lauft gar nüt

so wia du diar das hesch vorgstellt

as schint als ob sich bi diar dr wurm verkrocha hät

 

zit, du bruchsch zit

fahr aba, stress di jetzt nit

du wirsch gseh, so gohts am schnellschta wider vorbi

 

gib abiz zit und abiz geduld

und du wirsch gseh as kunnt schu guat

verlür jetzt kai nerva und kai muat

as kunnt schu guat

schu bald luagsch du uf das zruck

lachsch di drüber kaputt

as tönt jetzt no verruckt

aber as kunnt schu guat

 

das, isch nit din erschti

wird wohrschinli au nonit din letscht si

so stolperstai häts uf üsna läbensweg no a paar verstreut

 

jo in so phasa lauft ma aifach dri

sie züchend di aba, zum tail zimli wit

dia ainzig guat Nochricht dabi,

as isch au schu bald wider vorbi

Glück

 

noch dem schöna traum vor letschta nacht

bini hüt morga früah ufgwacht

i han mi schnell ufd socka gmacht

 

bin imna wunderschöna land

aifach so gläga am na strand

i muass ins meer i muass in sand  

 

und as git so viel z‘erläba

und as git so viel neus no z‘gseh

as hät no jenschti plätz woni no nia bin gsi      

i freu mi über jeda tag, woni öpis neus entdecka kann

danka für das glück, dass i das kann

 

as goht jetzt nur no wenig täg

denn machi mi los uf da wäg

i säg eu tschüss, bin denn mol weg

 

as fehlt jetzt nur no d’sunnabrilla

uf minra tür stoht „bin am chilla“

machends guat iar könnt min grill ha

 

 

Vergiss Mi Nit

 

as isch jetzt doch schu as wiili her

sit miar üs z’letscht mol hend gseh

i denka schu no viel an di

denksch du echt au amol an mi

isch sona frog wo mi sit denn

immer meh beschäftigt hät

i bin viel zwiit weg vo diar

und überlegga miar

 

wo du grad bisch, was du grad so machsch

und wia’s diar aso goht

 

vergiss mi nit, über drizehntusig kilometer weg bin i vo diar

ligga allai im fiina sand und wünschti du wärsch do bi miar

grad do näba miar

 

das schöna paradies do könnt no viel schöner si, wenn du do wärsch,

i vermiss üsi zit,

könntent dia ganz zit binanand si

oh i vermissa di

 

as isch jetzt doch schu as wiili her

sit miar üs zletscht mol hend khört

miar läbend ananand vorbi

d’uhra zaigend andri zita

und i merka immer meh

wiani’s langsam realisiar

i bin viel z’wiit weg vo diar

und überlegga miar

 

vergiss mi nit, über drizehntusig kilometer wit aweg bin i vo diar

ligga allai im fiina sand und wünschti du wärsch do bi miar

an dena langa täg und langa nächt, denki viel an di

und i waiss dasses do doch no so viel schöner könnti si

 

grad do mit diar

das schöna paradies do könnt no viel schöner si, wenn du do wärsch

i vermiss üsi zit

vergiss mi nit

 

 

Wiissa Teppich

  

dia letschta nebelschwada verzüchend sich

d’sunna druckt dura luag a, s’git guati sicht

mis herz macht grad an freudetrab

 

letscht nacht hät do mol wider irgendöpert da wissi teppich usgrollt

über da ganzi berg, drum kriblets jetzt jo au vo kopf bis fuass aso

 

dia erschti spur kunnt hüt vo miar

as lacha im gsicht isch garantiart

muass jetzt sofort losfahra, kann mi nüma zruckheba

as wird da ganzi hang verziart

 

aso viel schnee häts do schu lang nüm kha

drum blibi hüt sicher da ganz tag dra

mis herz macht grad an freudetrab

 

as isch as freiheits-gfühl wo aim so fescht erfüllt

wenn dr winter zaubret, wenn er alles wiss verhüllt

as isch das veschmelza vo natur und liidaschaft

wo mis herz in dä freudetrab versetzt

 

dia erschti spur kunnt hüt vo miar

as lacha im gsicht isch garantiart

muass jetzt sofort losfahra, kann mi nüma zruckheba

jetzt isch da ganzi hang verziart

Grosses Füür

 

as isch dr letscht mittwuch, im zwaituusigundacht

hend zerscht zum essa abgmacht und denn gohts ab in a langi nacht

z‘Johr goht am end zua, i werfa alli laschta ab

pack si in da neui rucksack, dä leggi denn erscht mora a

freu mi uf hüt obig, viel hani schu as wiili nüma gseh

as het so viel z‘verzella geh und wer waiss was hüt alles no so gscheht

ufa ins riders, wo schu bim igang überlauft

guat hani no as silvesterticket kauft

 

und denn bisch du ko,

luagsch mi mit grossa auga a

kusch immer nöcher ana,

nihmsch mi in dini arma und i gspühr,

us dära flamma gits as füür

jo denn bisch du ko,

stellsch mol alles uf da kopf,

una isch jetzt oba,

hina plötzlich vorna und obadruf das gfühl,

dia flamma wird zum grossa füür

 

i gsehn di vo witem und bin so froh bisch du hüt do

füllsch dä Rum mit öpis magischem, wo sich nit gnau beschrieba loht

han viel übri gluagt, probiart di nit us da auga z’loh

as biz meh muat kämt jetzt no guat

 

uf aimol stohsch du do,

fangsch a sita in minem buach ufschloh

und fangsch a neus kapitel a

und schu schriebsch di dri

mischisch di zwüscha mini sita dri

was für as glück hani

 

dass du döt ko bisch

mi mit grossa auga agluagt hesch

bisch immer nöcher anako

in dina arma hanis gspührt

us dära flamma gits as füür

Dr Wäg Isch Ds Ziel 

 

i binda mini schuah und laufa los in richtig fluss, i khör na schu

wianer so ruscht, wia z’wasser schüsst und so wia’s flüsst, so laufi mit

am paradiesgärtli vorbi in richtig rhii bis er sich mischt

ab dur da wald, ob warm ob khalt uf jeda fall

 

blibt mis dahai hald immer no

für mi dr schönschti platz uf dära welt

und das gfühl wo ma so kriagt

do uf dem weg git aim kai geld vo dära welt

 

as schmeckt noch freiheit, schmeckt noch liabi und natur

as isch a wellness-kur fürd seel

und füahrt zunra schöna stell

aber zerscht gohts über wiesa und über wurzla und über stai,

schöns vor natur gseht ma do viel und allerlei

 

und das stoht alles vor dr tür

an grund dass i do ana khör

do isch dr ganzi weg no ds ziel

d’natur git aim so viel

 

i laufa an ra bruck und am na bahnhofhus vorbi, döt kehri i

noch ama gwitter züchi witer, ar gallerie vorbi

denn stail duruf und wider ab, kurvig uf kies zum schmola grat

a schöni stell, ob langsam oder schnell

Weniger Isch Meh

 

sona nassa sunntig morga im herbscht

isch jo klar gsi, dass dä s’wenn kunnt

luaga n us am fenster, d’strossa sind überschwemmt

s’loht richtig aba, stund für stund

 

macha miar nüt drus und gohn hüt nit us am hus

 

genau hüt isch sona tag

woni so ganz verträuma mag

da ganzi tag lang aifach si

as brucht gar nit viel und git aim so viel

 

sona khalta sunntig morga im herbscht

wird doch no öpa unterschätzt

bi dem stress wo hüt zu tags aso herrscht

bringt dä biz ruah zwüscha das ghetz

 

öpa isch weniger viel meh

he, öpa ischs viel meh

 

öpa isch weniger viel meh

wer vo sich fordret muass sich au a pausa geh

öpa tuats guat, zum sich mol aifach nüt vor z’neh

und sich abiz zit z’neh, zums au mol gmüatlich neh

Sina

 

was für a grossi nochricht, wo sie miar hät gsait

dass sie di sit a paar täg, bi sich im buch mittrait

zit isch schnell verganga, da summer schnell vorbi

und schu keit uf di a freudeträna, in üsna arma hebemer di

 

voll überwältigt, vo diar und dem moment

hebend da Sinn vom läba do in üsna händ

miar sind für di do, so lang wia miar das könnt

verbunda für immer mit ma band wo mer zema hend

 

cordial beinvegni sina

 

und wenn du amol umkeisch, sig tapfer üsi kli

uf am weg kanns grossi stai ha, aber umweg gits au so viel

wil irgendwenn schint d’sunna wider, egal wia’s gwitteret

as isch wia bi fascht allem, aifach a frog vor zit

 

s’brucht öpa kli zit und au abiz glück

schritt für schritt, miar sind bi diar egal wia wit